ჩვენი გუნდი

აქვს 20 წელზე მეტი სამუშაო გამოცდილება სხვადასხვა საერთაშორისო პროექტებში, როგორც გარემოსდაცვითი სპეციალისტი. გამოცდილებას ფლობს გარემოსდაცვით ზედამხედველობასა და მონიტორინგში. აქტიურად მონაწილეობდა და ხელმძღვანელობდა სხვადასხვა პროექტისთვის გარემოსდაცვითი და სოციალური ზემოქმედების შეფასების (EIA/ESIA) მომზადების პროცესს. აქვს ფართო გამოცდილება საველე ინსტრუმენტული მონიტორინგის მიმართულებით.
ფლობს ცოდნასა და უნარებს გარემოსდაცვითი და სოციალური მართვის სისტემების (ESMS) შემუშავების, დანერგვისა და მონიტორინგის კუთხით. არის ISO 14001-ის წამყვანი აუდიტორი და ფლობს IEMA-ს ასოცირებული წევრობის სტატუსს.

გარემოსდაცვითი და სოციალური საკითხების მრჩეველი, რომელსაც 15 წელზე მეტი გამოცდილება აქვს საერთაშორისო ნავთობისა და გაზის კომპანიებში (BP, Spiecapag-Petrofac International Ltd, NRC). თამარი წარმატებით მართავდა გარემოსდაცვით და სოციალურ პროგრამებს ნავთობსადენის მშენებლობის პროცესში საქართველოსა და აზერბაიჯანში.
ის მუშაობდა გარემოსდაცვით ექსპერტად „გლობალური შეთანხმების ქსელი საქართველოსთან“, სადაც ადგილობრივ კერძო სექტორს ეხმარებოდა გარემოსდაცვითი მართვის სისტემების შემუშავებასა და გაუმჯობესებაში, ასევე მათი ცნობიერების ამაღლებაში კორპორაციული სოციალური პასუხისმგებლობისა და მდგრადი განვითარების მიზნების მიმართულებით.
თამარს მიღებული აქვს NEBOSH-ის საერთაშორისო სერტიფიკატი გარემოსდაცვით მართვაში.

ჯანმრთელობის და შრომის უსაფრთხოების საკითხებში გამოცდილი ექსპერტი - მართვის, ზედამხედველობისა და სწავლების ეფექტური უნარებით. ის წარმატებით მონაწილეობდა, როგორც გლობალური განახლებადი ენერგიის ასევე ნავთობისა და გაზის პროექტებში მსხვილ საერთაშორისო ორგანიზაციებთან (BP, USAID, World Bank.) ასევე მნიშვნელოვან სამშენებლო, საწარმოო და საექსპლუატაციო პროექტებში (15 წელზე მეტი გამოცდილებით). ლაშა წარმატებით უზრუნველყოფდა ჯანმრთელობისა და შრომის უსაფრთხოების მენეჯმენტის სისტემების ეფექტურ ფუნქციონირებას და მონიტორინგს. ის ასევე უზრუნველყოფდა ორგანიზაციების ჯანმრთელობისა და შრომის უსაფრთხოების კანონთან და საერთაშორისო მოთხოვნებთან შესაბამისობას.
მონაწილეობდა კომპანიების ჯანმრთელობისა და შრომის უსაფრთხოების პოლიტიკის შემუშავებაში, მენეჯმენტის სისტემის დანერგვაში და ეფექტური მართვის მექანიზმების შექმნაში როგორიცაა: სტანდარტული საოპერაციო პროცედურები, რისკების შეფასება, ინციდენტების და პროფესიულ დაავადებათა შემთხვევების სტატისტიკის ანალიზი. ლაშას აქვს ღრმა თეორიული ცოდნა და გამოცდილება ინციდენტის გამოძიებაში, საგანგებო სიტუაციებზე რეაგირების დაგეგმვაში და პროცედურების შექმნაში, ასევე გამოცდილია სასწავლო მოდულების შემუშავებაში და ტრენინგების ჩატარებაში.
მას აქვს მრავალწლიანი გამოცდილება, კვალიფიკაცია და უნარი სხვადასხვა ტიპის რისკების წინასწარ გამოვლენაში და პროპორციული საკონტროლო ღონისძიებების დანერგვა-გატარებაში.
აქვს მიღებული OHSAS 18001 შიდა აუდიტორის კვალიფიკაცია, NEBOSH საერთაშორისო სერთიფიკატი და NEBOSH საერთაშორისო დიპლომი. ლაშა ამჟამად არის შრომის უსაფრთხოების ერთერთი ყველაზე ავტორიტეტული საერთაშორისო ინსტიტუტის IOSH-ის ტექნიკური წევრი.